Tuesday, December 13, 2011

ਸ਼ਾਇਦ ਤਾਂ ਹੋ ਗਈ ਏ ਉਦਾਸ ਜ਼ਿੰਦਗੀ॥

ਖਾਬਾਂ ਵਿੱਚੋਂ ਰਹੇ ਹਾਂ ਤਲਾਸ਼ ਜ਼ਿੰਦਗੀ॥
ਹਿਜ਼ਰਾਂ ਤੇ ਰਹੇ ਹਾਂ ਤਰਾਸ਼ ਜ਼ਿੰਦਗੀ ।
ਲੋਕੀ ਭਾਵੇਂ ਸਮਝਣ ਇਸ ਨੂੰ ਜਿਵੇਂ ਵੀ,
ਪਰ ਮੇਰੇ ਵਾਸਤੇ,ਇਹ ਹੈ ਖਾਸ ਜ਼ਿੰਦਗੀ।
ਅਰਮਾਂ ਨੇ ਬਹੁਤ ਦਿਲ'ਚ,ਪਰ ਵਕਤ ਨਹੀਂ,
ਘਟਦੀ ਜਾਵੇ ਸੁਆਸੋ-ਸੁਆਸ ਜ਼ਿੰਦਗੀ॥
ਦਿਖਦੀ ਕਦ ਹੈ ਮੁਹੱਬਤ ਭਲਾ ਕਿਸੇ ਨੂੰ,
ਮਹਿਸੂਸ ਕਰੇ ਅਰਸਰ ਅਹਿਸਾਸ ਜ਼ਿੰਦਗੀ॥
ਆ ਚੱਲੀਏ ਦਿਲਾ !ਆ ਮੁੜ ਚੱਲ ਵਤਨ ਨੂੰ,
ਬੈਠੀ ਏ ਜਿੱਥੇ,ਬਣ ਇੱਕ ਲਾਸ਼ ਜ਼ਿੰਦਗੀ॥
ਮੁੱਦਤ ਹੋਈ ਵਿਛੜਿਆਂ"ਨਜ਼ੀਲ" ਉਸ ਤੋਂ,
ਸ਼ਾਇਦ ਤਾਂ ਹੋ ਗਈ ਏ ਉਦਾਸ ਜ਼ਿੰਦਗੀ॥

No comments:

Post a Comment

Related Posts Plugin for WordPress, Blogger...